Tralee badia Irlandako hego-mendebaldeko Kerry konderrian dagoen badia bat da. Iparraldean Kerry Head lurmuturra du, mendebaldean Maharees tonboloa eta Magharee uharteak, hegoaldean Dingle penintsularen hasiera eta ekialdean berriz Blennerville udalerriko zubia. Tralee udalerritik doazen hainbat errekek beren urak badia honetan isurtzen dituzte. Badia honen inguruan dauden udalerri edo herriak honako hauek dira: Ballyheigue, Fenit, Kilfinora, Spa, Blennerville, Camp eta Castlegregory.